Лицей-интернат базасында "Дәрестән тыш эшчәнлекне оештыру юллары" дигән темага төбәкара семинар үтте. Семинар кысаларында килгән кунаклар лицейда тәрбия эшенең куелышы, эшләп килүче түгәрәкләр  белән таныштылар, мастер-класслар карадылар.

       Лицей-интернатның Укучылар үзидарәсе "Тургай" ятимнәр йортында булып кайтты. 

       Бүген, 9 нчы декабрь көнне,  лицейда ата-аналар җыелышы була. Башлана 17.30 сәгатьтә.

      Татарстан Республикасы Мәгариф һәм фән министрлыгы түбән һава температурасы булганда мәктәпләрдә дәресләр үткәрелмәвен искәртә:

- 23°С тан түбән булганда – авыл мәктәпләрендә башлангыч сыйныфлар өчен; 
- 25°С тан түбән булганда – шәһәр мәктәпләрендә башлангыч сыйныфлар өчен; 
- 25°С тан түбән булганда – авыл мәктәпләрендә укучы 5-9 сыйныфлар өчен; 
- 27°С тан түбән булганда – шәһәр мәктәпләренең 5-9 сыйныфлары өчен; 
- 30°С тан түбән булганда – авыл мәктәпләренең 10-11 сыйныф укучылары өчен; 
- 32°С тан түбән булганда – шәһәр мәктәпләренең 10-11 сыйныф укучылары өчен дәресләр кичектереләчәк.

      Кышкы чорда түбәндәге һава шартлары сакланганда саф һавада физик культура дәресләрен үткәрү рөхсәт ителә (СанПиН 2.4.2.2821-10 нигезендә):

... Алга таба укырга »

       Бүген, 7 нче декабрь көнне,  11 нче сыйныф укучылары  йомгаклау иншасын язды.

Укучылар өчен түбәндәге темалар тәкъдим ителгән  иде: "Җиңү һәм җиңелү", "Акыл һәм хис", "Намус һәм намуссызлык", "Тәҗрибә һәм хаталар", "Дуслык һәм дошманлык".

Йомгаклау иншасын язу укучыларга бердәм дәүләт имтиханын тапшыру мөмкинлеген бирә. Ул "зачет" һәм "незачет" системасы буенча бәяләнә.

      2 нче ноябрь көнне  Г.Камал исемендәге Татар дәүләт Академия театрының кече залында VII Дөньякүләм "Белем җәүһәрләре" бәйгесенең җиңүчеләре ачыкланды. Безнең "Электрон матбугат" түгәрәге сайты "Белем җәүһәре" исеменә лаек булды. 

      Бүген 6,8 нче сыйныф укучылары татар теленнән диагностик тест уздылар. Укучыларның белемнәрен тикшерү республика белем бирү сыйфатын бәяләү системасы чаралары кысаларында Мәгариф һәм фән министрлыгы боерыгы нигезендә оештырылды.

      Узган ялларда лицейда да сайлаулар узды. Лицейлылар спикер сайладылар. Иң күп тавыш җыеп, 7б сыйныфы укучысы Гатина Айсылу җиңү яулады. Ә 8б сыйныфы укучысы Харисова Мәдинә шәһәребезнең Укучылар Советында депутат буларак катнашачак.

Камилә ХӘКИМУЛЛИНА, "Электрон матбугат" түгәрәге әгъзасы

      Барчагызны 1 нче сентябрь - Белем бәйрәме белән котлыйбыз. Яңа уку елы сөенеч-табышларга, уңышларга бай булсын! Яңа үрләргә менәргә, хыялларны тормышка ашырырга язсын. Исән-имин, сау-сәламәт, бергә булыйк, лицейлылар!